الرئيسية / / كيف تبدأ أي عمل ؟

كيف تبدأ أي عمل ؟


كام حاجة كنت ناوي تعملها ومبدأتش ؟؟

عايز تتعلم كذا ولسه مبدأتش .. !!

عايز تذاكر عشان الإمتحانات قربت ولسه مذاكرتش .. !!

عايز تروح الجيم ولسه مرحتش ..!!

دا كله غير جبال الأحلام والطموحات والأمنيات إللى شغلاك ونفسك تحققها وتوصلها

ولسه واقف مكانك مبدأتش حاجة فيها !!

اطمن طالما انت مكانك كدا = فالوضع هيستمر كتيييير وفترة طويلة :(

ما دمت مكانك ومش عايز تاخد خطوة وتبدأ فـالوضع هيستمر ومش هتتغير !!

وهتفضل تتمنى وتحلم ومفيش حاجة هتحقق !!

ازاي تبدأ أي عمل ؟

موضوعنا النهارده مش أداة سحرية هتحققلك أحلامك طبعاً !!

لكن احنا النهارده هنساعدك تاخد الخطوة وتبدأ

كيف أبدأ ؟

دا السؤال المهم واللى هنتكلم عنه ونحدد خطوات عملية تساعدك تبدأ أياً كان اللى ناوي تبدأه :)  

1- ركز هدفك وبلاش تشتت
حاول تختار حاجة واحدة بس وابدأ بيها ولآن كتيير جداً من همتك وحماسك بيضيع على الفاضي

بسبب التشتت وتوزيع مجهودك في موضوعات كتيير وإنك تحاول تعمل كل حاجة مرة واحدة !!

والنتيجة تحبط لما تكتر عليك الحاجات دي ونرجع للنقطة صفر ! ل
2- أدومها وإن قل !!
أهم حاجة إنك تستمر بعد بدايتك ، لو كسلت أو تراجعت هترجع لنقطة البداية ومش هتحقق حاجة !!

لو نص ساعة بس في اليوم هتفرق معاك بس مع الإستمرارية

لو 15 دقيقة رياضة بس في اليوم هتفرق مع الإستمرارية

لو خصصت وقت لأي عمل ولو دقايق في اليوم بس باستمرار هتنجز حاجات كتيير وهتلاحظ الفرق !

ومع الوقت وبالتدريج هتلاقي نفسك بتزود الوقت دا

والموضوع هيتحول لعادة بالنسبة ليك ومش هيبقى صعب ولا هتكسل أبداً !
3- ساعدوني !!
اطلب من اللى حواليك يساعدوك في مشكلتك ( أهلك ... أصحابك ... جيرانك .. الخ ) عشان يشاركوك على الأقل

قولهم أنا عايزكم تساعدوني في كذا ، أو ناوى أحقق كذا ومحتاج حد يشاركني ..!

لآن مشاركة أي حد معاك هتشجعك وتخليك تكمل :)

بس بجانب دا اطلب منهم يتابعوك وينبهوك لو قصرت أو تكاسلت ، دا هيخليك تحسن مستواك على طول .
4- تذكَّر هدفك ؟؟
علق ورقة ، اكتب على المكتب ، اعمله رسالة تذكيرية على الموبايل ، اعمله خليفة الموبايل

اكتب حتى على الجدران ( لو اتمسكت أنا مش مسئول ^_^ )

فكر نفسك على طول :

انت بدأت ليه ؟

بتذاكر أو بتجري أو بتعمل اللى بتعمله دا ليه ؟؟؟

خليك فاكر دايما انت بتعمل دا ليه علشان متقفش .
5- كافئ نفسك !!
كافئ نفسك وحفز نفسك دايما واستمتع بانجازك

بس متخليش دا سبب في تراجعك وتقول كفاية الإنجاز دا وتنام عليه :(

ابدأ بعده على طول في هدف جديد وموضوع جديد

أو شوف حاجة من الحاجات اللى كانت في خطتك وأجلتها واشغل نفسك دايماً .
6- ابدأ الآن
مستني ايه ، ابدأ دلوقت في أول حاجة محتاجها ، وخد خطوة  يلا !! #متكسلش


متنساش تشارك المقال

هناك تعليقان (2)

  1. جزاك الله خيرا .. من الجيد تحديد المهام وجدولتها للتنفيذ أيضا لان تحديد المهام اول خطوات الاعداد والتخطيط الجيد ثم بعده هذه الامور في ظني

    ردحذف
    الردود
    1. نعم ، صدقت أخى الكريم ، لابد فعلاً من تحديد الأهداف ثم وضعها في شكل مهام ليتم انجازه ، وإن شاء الله هنحاول ننزل ورقة لتنظيم المهام الإسبوعية ، فتابعنا :)

      حذف

جميع الحقوق محفوظة لــ وادي المعرفة © 2017 تصميم كن مدون